थाने पलका में छिपालयां,थाने हिवड़े माय बसाल्यां मां,म्हारे से दूर कैंया रहोला,हो मां म्हारे से दूर कैंया रहोला।
थारे चरणा में चीत ल्यावा,थारे भजना में रम जावा मां,म्हारे से दूर काइयां रहोला।
थारी पगल्या री पायल बन जावंला।बनकर नारियल भेट चढ़ावांला।थारे भक्तों से दूर दूर कैंया रहोला जी मैया कैंया रहोला।थारी रोली में बस जावां,थारी मोली में गुथ जावां।मां म्हारे से दूर कईयां रहोला।
थारे मंदिरियारी ड्योढी बन जावांला।थारे भक्ता री पगा री धूल पावांला।म्हाने चरणां से दूर दूर कैंया राखोला जी मईया,कईयां राखौला।थारी मेहंदी बन जावां,बन कर हाथन्मे रच जावां मां।म्हारे से दूर कईयां रहोला।
थारे चूड़ा री लाख़ बन जावांला।थारी चूंदड़ी रा तारा बन जावांला।थारे भक्ता से दूर दूर कईयां रहोला जी मैया कईयां रहोला।थारो काजलियो बन जावां,बन कर नैना में रम जावां मां।म्हारे से दूर कईयां रहोला।
थारी पूजा री थाली बन जावांला।थारी माला रा फूल बन जावांला।म्हाने हिवड़े से दूर दूर कईयां रखोला जी मां कईयां रखौला।थारो दीपक बण जावां,बन कर बाती महे जल जावां मां।म्हारे से दूर काइयां रहोला।
Naye Naye Bhajan Lyrics 
