तर्ज,फिरकीवाली
आओ आओ सांवरिया बेगा आओ,जीमो जी भोग लगाओ,है छप्पन भोग तैयार जी।थारा टाबरिया करे है मनुहार जी।
केसरिया बर्फी कलाकंद रबड़ी, पेड़ा इमरती बालूशाही। लाडू बुंदिया जलेबी रसगुल्ला, गाजर पाक रसमलाई।🌹🌹🌹🌹🌹🌹 गुलाब जामुन शक्करपारा, घेवर न्यारा न्यारा। जीमन आओ, न थोड़ा और घलाओ।🌹🌹है छप्पन भोग तैयार जी।थारा टाबरिया करे है मनुहार जी।
दाल मोठ पकौड़ी कचोरी, भुजिया पापड़ चिवड़ो। कढी राबड़ी सांग सांगरी को, बाजरे को बाबा खीचड़ो।🌹🌹🌹🌹🌹🌹🌹 रायता में जीरा को तड़को, पीवो मार सबडको। साग काचरी की चटनी चटाओ,जीमो जी भोग लगाओ।🌹🌹🌹🌹🌹🌹🌹🌹🌹🌹है छप्पन भोग तैयार जी।थारा टाबरिया करे है मनुहार जी।
काजू किसमिस भुजा खुरमानी, खोपरा छुआरा बादाम जी। जीम जूठ कर आचमन करके, फिर थोड़ा आराम करो।🌹🌹🌹🌹 सौंफ इलायची हाजिर कर दी, सागे मिश्री धर दी।🌹🌹🌹🌹🌹🌹🌹🌹🌹🌹🌹सोई नगरिया पान चबाओ। जीमो जी भोग लगाओ।है छप्पन भोग तैयार जी।थारा टाबरिया करे है मनुहार जी।
आम अमरूद अंगूर अनारस, आलूबुखारा अनार धरया। केला सेब पपीता चीकू, संतरा मौसंबी रसदार धरया।🌹🌹🌹🌹🌹🌹 कांकड़िया रो लाल मतीरा, और टमाटर खीरा। निंबू खाटू थोड़ो छिड़काओ।🌹🌹🌹🌹🌹 जीमो जी भोग लगाओ,है छप्पन भोग तैयार जी।थारा टाबरिया करे है मनुहार जी।
छप्पन भोग परोसया थारे, श्याम धणी स्वीकार करो। सरल बावलो महिमा गावे, अन्नधन से भंडार भरो।🌹🌹🌹🌹🌹🌹🌹🌹🌹लीला थारी सब जग जानी,थे हो शीश का दानी।बिगड़ी भगतां की,थे हो तो बनाओ।जीमो जी भोग लगाओ।🌹🌹🌹🌹🌹🌹🌹🌹है छप्पन भोग तैयार जी।थारा टाबरिया करे है मनुहार जी।
Naye Naye Bhajan Lyrics 
