Rimjhim rimjhim pade fuhar, रिमझिम रिमझिम पड़े फुहार,dadi bhajan

तर्ज,टूटी बाजूबंद री लूम

रिमझिम रिमझिम पड़े फुहार,नभ से बरसे अमृत धार।गावे कोयलडी मल्हार,आयो तिजां रो त्योहार।🌺🌺🌺🌺🌺🌺🌺झूलो झूलो नी दादीजी,आयो सावनियों।

मीठी पवन मचावे शोर,मन में नाच रहया है मोर।आनंद छायों चारूं और, मनडो होगयो भाव विभोर।🌺🌺🌺🌺🌺🌺🌺🌺झूलो झूलो नी दादीजी,आयो सावनियों।

झूलो घाल्यो आम की डाल, जामे फुलां रो श्रृंगार। डोरी बांधी गोटेदार, थाम्या बैठी है सरकार।🌺🌺🌺🌺🌺🌺🌺🌺🌺🌺झूलो झूलो नी दादीजी,आयो सावनियों।

दादी सावन को यो मास,थाने लागे बड़ो ही खास।थारे चरणों का महे दास,सखियां की सुनल्यो अरदास।🌺🌺🌺🌺🌺🌺🌺झूलो झूलो नी दादीजी,आयो सावनियों।

रिमझिम रिमझिम पड़े फुहार,नभ से बरसे अमृत धार।गावे कोयलडी मल्हार,आयो तिजां रो त्योहार।🌺🌺🌺🌺🌺🌺🌺झूलो झूलो नी दादीजी,आयो सावनियों।