bhid padya thane aaya sarsi, भीड़ पड़यां थाने आयां सरसी,dadi bhajan

भीड़ पड़यां थाने आयां सरसी। यो दुःखडो तो मिटायां सरसी।

लाखों की बिगड़ी बात बनाई,मेरे लिए क्यों देर लगाई।बिगड़ी बात बनायां सरसी।यो दुःखडो तो मिटायां सरसी।

जावे अब तो लाज मेरी,आजा पलकी ना कर देरी।लाज बचावन थाने आयां सरसी।यो दुःखडो तो मिटायां सरसी।

नाव पड़ी मझधार मेरी,के देखे तूं खड़ी खड़ी।नैया ने पार लगायां सरसी।यो दुःखडो तो मिटायां सरसी।

आशा को दामन छूट न जावे,बांध धीरज को टूट न जावे।बेटा ने कालजे लगायां सरसी।यो दुःखडो तो मिटायां सरसी।

जब ममता तेरी बरसे,फिर क्यूं यो बालक तरसे। दुःख में धीर बंधायां सरसी।यो दुःखडो तो मिटायां सरसी।

भीड़ पड़यां थाने आयां सरसी। यो दुःखडो तो मिटायां सरसी।