Me to araj Karu guru thane charna me rakhjo mane,मैं तो अरज करू गुरु थाने,चरणा में राखजो माने,guru bhajan

मैं तो अरज करू गुरु थाने,
चरणा में राखजो माने,
हेलो तख्त देवू की थाने,
म्हारी लाज शर्म सब थाने ।
मैं तो अरज करू गुरु थाने,
चरणा में राखजो माने ।

गुरु मात पिता सुख दाता,
सब स्वारथ का है नाता,
एक तारण तिरण गुरु दाता,
ज्यारा चार वेध्द जस गाता ।
मैं तो अरज करू गुरु थाने,
चरणा में राखजो माने ।

भवसागर भरियो भारो,
मने सुजत नही रे किनारो,
गुरु घट में दया विचारो,
मैं तो डूब रियो मजधारो ।
मैं तो अरज करू गुरु थाने,
चरणा में राखजो माने ।

कोई संत लियो अवतारो,
जीवो ने पार उतारो,
माने आयो भरोसो भारो,
नही छोड़ू शरणों थारो ।
मैं तो अरज करू गुरु थाने,
चरणा में राखजो माने ।

गुरु तन मन धन सब थारो,
चाहे सीस काट लो म्हारो,
जन दरियाराम राम पुकारो,
चरणा रो चाकर थारो ।
मैं तो अरज करू गुरु थाने,
चरणा में राखजो माने ।

मैं तो अरज करू गुरु थाने,
चरणा में राखजो माने,
हेलो तख्त देवू की थाने,
म्हारी लाज शर्म सब थाने ।
मैं तो अरज करू गुरु थाने,
चरणा में राखजो माने ।