(दोहा)मरवण महलां ऊतरी, तो ले सखियां नैं साथ घूमर रमवा नीसरी तो, पग पायल झणकार ।
ऐजी हांसा म्हारी रुणक झुणक पायल बाजे सा-२ नैणा रा लोभी कीकर आऊंसा।नैणा रा लोभी कीकर आऊंसा।
ऐजी हांसा म्हारी सासू सूती, नणदल जागे सा-२ नैणा रा लोभी कीकर आऊंसा, बाईसा रा बीरा कीकर आऊंसा।
ऐजी हांसा म्हारी जेठाणी सूती, दयोराणी जागे सा-२ नैणा रा लोभी कीकर आऊंसा, गुणसागर ढोला कीकर आऊंसा।
ऐजी हांसा मैं तो आऊं के पाछी फिर-फिर जाऊंसा-२ण नैणा रा लोभी कीकर आऊंसा, कमधजिया राजा कीकर आऊंसा।
ऐजी हांसा म्हारो नानो देवरियो उभो झांकैसा-२ पाड़ोसण झाला देवै मैं कीकर आऊंसा, गुणसागर ढोला कीकर आऊंसा ।बाईसा रा बीरा कीकर आऊंसा, नैणा रा लोभी कीकर आऊंसा-२