Bhayiji gaya bijnor,भाईजी गया बिजनोर  म्हार पगा में पड़ गई मोचर,holi geet

भाईजी गया बिजनोर, म्हार पगा में पड़ गई मोचर। म्हारी मोच निकाले कुन ओ देवरसा, ओ देवरसा म्हारा प्यारा दे।

भाईजी गया बिजनोर, भाभी मेह हाँ थारी ओर-2मजल थारी मोच निकाला भाभी, होले होले होले होले भाभी, धीरे-धीरे।

भाईजी गया गोहाटी, म्हारी अंगिया हो गई काठी-2 म्हाने अंगिया पहरावे कुण ओ देवरसा ओ देवरसा म्हारा प्यारा दे।

भाईजी गया गोहाटी, भाभी म्हें हाँ थारा साथी -2 थाने अंगिया पहरावा भाभी, होले होले होले होले भाभी, धीरे-धीरे।



भाईजी गया है पाली, म्हारी फीकी पड़ म्हारी लाली। संवारे कुण ओ देवरसा गई लाली -2 खण ओ देवरसा म्हारा प्यारा दे।

भाईजी गया है पाली, भाभी म्हें बैठ्या हाँ खाली-2 थारी लाली संवारा भाभी होले होले
होले होले भाभी, धीरे-धीरे।

भाईजी गया मद्रास म्हारे पीठ में आ गई खाज-2 म्हारा खाज मिटावे कुण ओ देवरसा
ओ देवरसा म्हारा प्यारा दे।

भाईजी गया मद्रास, भाभी मत ना होवो उदास – 2 थारी खाज मिठावा भाभी होले होले गजबण होले होले भाभी, धीरे-धीर।

भाईजी गया कलकत्ते, रंग लगा गया अठ बठ -2 म्हारे रंग उतारे कुण ओ देवरसा,
ओ देवरसा म्हारा प्यारा दे।

भाईजी गया कलकत्ते, भाभी म्हें बैठ्या हा अठ-2 थारे रंग उतारा भाभी होले होले होले होले भाभी, धीरे-धीरे।