बानर बांको रे,लंका नगरी में मच गयो हाँको रे।बानर बांको रे।
मात सिया यूं बोली रे हनुमत,फल खाले तूं पाको रे।२।🌹🌹🌹🌹🌹🌹🌹🌹🌹इतने माही कुदयों हनुमत,मार फड़ाको रे।बानर बांको रे।
गाछ उठाय पटक धरणी पर,भोग लगायो फलां को रे।२।🌹🌹🌹🌹🌹🌹🌹🌹रखवाला जब पकड़न लाग्या,दियो झड़ाको रे।बानर बांको रे।
राक्षसियां अरडावे सारा,काल आ गयो म्हाको रे।२।🌹🌹🌹🌹🌹🌹🌹🌹🌹मुंह पर मार पड़े मुक्के री,फाड़े बाको रे।बानर बांको रे।
हाथ टांग तोड़े,सिर फोड़े,घट फोड़े ज्यों पाको। रे।२।🌹🌹🌹🌹🌹🌹🌹🌹🌹 लुक छिप कर कई घर में घुस गयो, पड़ गयो फांकों रे।बानर बांको रे।
उजाड़ दई अशोक वाटिका, ज्यों मारग सडकांको रे।२।🌹🌹🌹🌹🌹🌹🌹🌹 उथल पुथल सब कर्यों बगीचों, बिगड़यों खाको रे।बानर बांको रे।
जाय पुकार करी रावण सूं,दिन खोटो असुरांको रे।२।🌹🌹🌹🌹🌹🌹🌹🌹बानर एक बाग में घुसग्यों,गजब लड़ाकों रे।बानर बांको रे।
भेजयों अक्षय कुमार ने भिड़ने,हनुमत स्यामि झांकयों रे।२।🌹🌹🌹🌹🌹🌹एक लात पड़ी मुंडे पर, पी गयो नाको रे।बानर बांको रे।
धन धन हे रघुवर का प्यारा,अतुलित बल है थाको रे।२।🌹🌹🌹🌹🌹🌹🌹🌹🌹 तूं है जग में मुकुट मणि जी,सब भक्तांको रे।बानर बांको रे।
Naye Naye Bhajan Lyrics 
