आयो फागण मेलो, बाबो मारे हेलो,खाटू धाम चालो, भक्ता ने संग ले लो।
फागणियो रंगीलो महीनों, भोत लागे प्यारो। मंदिरिया में होली खेलां, सागे खाटू वालों। केसर रंग पिचकारी, लाल गुलाल उडेलों।खाटू धाम चालो, भक्ता ने संग ले लो।
जमघट मांचे आंगनिए मैं,नाचा कूदा जोर से। टोलियां की टोली आवे,जयकारा बोले जोर से।🦚🦚🦚🦚🦚🦚🦚🦚🦚🦚ढोलक ढप और झांझ बाजे,साथ में नगाड़ों।खाटू धाम चालो, भक्ता ने संग ले लो।
लागे हैं दरबार ऐसो,बाबा की सरकारी में। फरियादी है रकम रकम का, यांकी तावेदारी मे। 🦚🦚🦚🦚🦚🦚🦚🦚🦚🦚🦚होवे हैं सुनवाई, थे भी अर्जी गैरों।खाटू धाम चालो, भक्ता ने संग ले लो।
शरणागत का संकट बाबे, से ना देखया जावे। दुखियां का संताप बाबो पल में मिटावे।🦚🦚🦚🦚🦚🦚🦚🦚🦚🦚 ऐसो है दयालु, श्याम खाटू वाले वालों।खाटू धाम चालो, भक्ता ने संग ले लो।
के सोचे हैं बावला,तूं कर ले खाटू की त्यारी। श्याम धनी का दर्शन करस्यां, दुविधा मिटजा सारी।🦚🦚🦚🦚🦚🦚🦚🦚 भोत ही बेगो रीझे,मोहन मुरली वालों।खाटू धाम चालो, भक्ता ने संग ले लो।
ओड बड़े संसार माही, थारो एक आधार है। बाबा म्हारो ध्यान राखिए, टाबर की पुकार है।🦚🦚🦚🦚🦚🦚🦚🦚🦚🦚🦚🦚 श्याम मंडल फरमावे,सब ने गले लगालो।खाटू धाम चालो, भक्ता ने संग ले लो।
आयो फागण मेलो, बाबो मारे हेलो,खाटू धाम चालो, भक्ता ने संग ले लो।
Naye Naye Bhajan Lyrics 
