चार चार मैं तो बेटा जाया, बेटी जाइ में तो एक, बुढ़ापा रो सारो नहीं।चार चार मैं तो बेटा जाया, बेटी जाइ में तो एक, बुढ़ापा रो सारो नहीं।
पहले बेटा ने वकील बनायो, दूजाने बनायो थानेदार,बुढ़ापा रो सारो नहीं। तीजा बेटा ने डॉक्टर बनायो,चौथा ने बनायो जमीदार,बुढ़ापा रो सारो नहीं।
बेटी तो सासरिया चाली, लार मने आयो रे बुढार,बुढ़ापा रो सारो नहीं।बेटी तो सासरिया चाली, लार मने आयो रे बुढार,बुढ़ापा रो सारो नहीं।
पहलो संदेशों वकील ने भेजयो ,बेटा मने आयो रे बुखार,बुढ़ापा रो सारो नहीं।पहलो संदेशों वकील ने भेजयो ,बेटा मने आयो रे बुखार,बुढ़ापा रो सारो नहीं। माता मेरी कैसे आऊं, फाइला री लागी रे कतार,बुढ़ापा रो सारो नहीं।माता मेरी कैसे आऊं, फाइला री लागी रे कतार,बुढ़ापा रो सारो नहीं।
दूजा संदेशों थानेदार ने भेजयो ,बेटा मने आयो रे बुखार,बुढ़ापा रो सारो नहीं।दूजा संदेशों थानेदार ने भेजयो ,बेटा मने आयो रे बुखार,बुढ़ापा रो सारो नहीं। माता मेरी कैसे आऊं, चोरा री लागी रे कतार,बुढ़ापा रो सारो नहीं।माता मेरी कैसे आऊं, चोरा री लागी रे कतार,बुढ़ापा रो सारो नहीं।
तिजो संदेशों डॉक्टर ने भेजयो ,बेटा मने आयो रे बुखार,बुढ़ापा रो सारो नहीं।तिजो संदेशों डॉक्टर ने भेजयो ,बेटा मने आयो रे बुखार,बुढ़ापा रो सारो नहीं। माता मेरी कैसे आऊ, मरीजा री लागी रे कतार,बुढ़ापा रो सारो नहीं।माता मेरी कैसे आऊ, मरीजा री लागी रे कतार,बुढ़ापा रो सारो नहीं।
चौथो संदेशों जमीदार ने भेजयो ,बेटा मने आयो रे बुखार,बुढ़ापा रो सारो नही।चौथो संदेशों जमीदार ने भेजयो ,बेटा मने आयो रे बुखार,बुढ़ापा रो सारो नही।माता मेरी कैसे आऊं, खेता में कट रहयो धान,बुढ़ापा रो सारो नहीं।माता मेरी कैसे आऊं, खेता में कट रहयो धान,बुढ़ापा रो सारो नहीं।
पांचवो संदेशों बेटी ने भेजयो , बेटी मने आयो रे बुखार,बुढ़ापा रो सारो नही।पांचवो संदेशों बेटी ने भेजयो , बेटी मने आयो रे बुखार,बुढ़ापा रो सारो नही। दौड़ी दौड़ी बेटी आई,किनी म्हारे मनडे री बात,बुढ़ापा रो सारो नहीं।दौड़ी दौड़ी बेटी आई,किनी म्हारे मनडे री बात,बुढ़ापा रो सारो नहीं।
बेटा ने तो दूध पिलायो ,बेटी ने पिलाई खाटी छाछ ,बुढ़ापा रो सारो नहीं।बेटा ने तो दूध पिलायो ,बेटी ने पिलाई खाटी छाछ ,बुढ़ापा रो सारो नहीं। दूध तो म्हारे काम ना आयो,काम आई खाती छाछ,बुढ़ापा रो सारो नहीं।
चार चार मैं तो बेटा जाया, बेटी जाइ में तो एक, बुढ़ापा रो सारो नहीं।चार चार मैं तो बेटा जाया, बेटी जाइ में तो एक, बुढ़ापा रो सारो नहीं।