Meri Laado by upasna gahlot,मेरी रौनक से मेरी लाडो तू,

तेरे नन्हे नन्हे कदमों ते मेरी दुनिया बदल गई रे। तेरे आने ते सारे जहां की खुशियां, मने मिल गई रे। तने पाके लगया मने सब मिलया, जाने मने मेरा रब मिलया। तेरी उंगली कदे ना छोडूंगी। जुग जुग जीवे मेरी लाडो तू ,मेरी रौनक से मेरी लाडो तू ,मेरा गुड लक से मेरी लाडो तु।मेरी रौनक से मेरी लाडो तू ।

सौ बार शुक्रिया रब का, जिसने तू मेरे ते सोपी से। लाडो तूं तेरे पापा की, हाजमाये डिट्टो कॉपी से।सौ बार शुक्रिया रब का, जिसने तू मेरे ते सोपी से। लाडो तूं तेरे पापा की, हाजमाये डिट्टो कॉपी से। तेरा हंसना बडा मनमोना,तू घर सारे का खिलौना, मुस्कान तेरी अमृत बरगी। बस हंसती रहकर लाडो तु,मेरी रौनक से मेरी लाडो तू ,मेरा गुड लक से मेरी लाडो तु, जुग जुग जीवे मेरी लाडो तूं।

दादा दादी गेल तेरे, बालक से बने हांडे। तेरे चेहरे की हंसी खातिर माटी मसले हांडे।दादा दादी गेल तेरे, बालक से बने हांडे। तेरे चेहरे की हंसी खातिर माटी मसले हांडे। चाचू की दिल की ताली, भूआ सी नखरे वाली।हम चावे बुरी बला तेरे, बस बचती रहा कर लाडो तु,मेरी रौनक से मेरी लाडो तू ,मेरा गुड लक से मेरी लाडो तु,जुग जुग जीवे मेरी लाडो तूं।

नाना नानी बाट तेरी में ,लाडो पलक बिछारे। कदे खिलावे गोदी में ,तने कदे रे कांधे ठारे।नाना नानी बाट तेरी में ,लाडो पलक बिछारे। कदे खिलावे गोदी में ,तने कदे रे कांधे ठारे। मौसी की आंख का तारा, मां बरगा उनियारा। तेरी किलकारी ते मिले सुकून, बस मस्त रहाकर लाडो तु।मेरी रौनक से मेरी लाडो तू ,मेरा गुड लक से मेरी लाडो तु,जुग जुग जीवे मेरी लाडो तूं।

तेरे नन्हे नन्हे कदमों ते मेरी दुनिया बदल गई रे। तेरे आने ते सारे जहां की खुशियां, मने मिल गई रे। तने पाके लगया मने सब मिलया, जाने मने मेरा रब मिलया। तेरी उंगली कदे ना छोडूंगी। जुग जुग जीवे मेरी लाडो तू ,मेरी रौनक से मेरी लाडो तू ,मेरा गुड लक से मेरी लाडो तु।मेरी रौनक से मेरी लाडो तू ।