केसर की क्यारी गुल बनडा लुंबा की बाडी,केसर की क्यारी गुल बनडा लुंबा की बाडी,
बीच-बीच राखु राईराजा, फुल हजारी औ राज
ऊबा सा रईजो।ऊबा सा रईजो म्हारा बनडा ढाडा सा रईजो।ऊबा सा रईजो म्हारा बनडा ढाडा सा रईजो।
जो थै राईराजा बनडा, घणा हो खिलाड़ी।जो थै राईराजा बनडा, घणा हो खिलाड़ी।
तो चौपड रा पासा गुलबनडा,
सतंरज री बाजी राईराजा, हाजर राखा औ राज
ऊबा सा रईजो।ऊबा सा रईजो म्हारा बनडा ढाडा सा रईजो।ऊबा सा रईजो म्हारा बनडा ढाडा सा रईजो।
जो थै राईराजा बनडा घणा हो भुखयालु ।जो थै राईराजा बनडा घणा हो भुखयालु ।
मावे रा पेठा गुलबनडा,छप्पन मिठाई राईराजा, हाजर राखा औ राज,ऊबा सा रईजो।
ऊबा सा रईजो म्हारा बनडा ढाडा सा रईजो।ऊबा सा रईजो म्हारा बनडा ढाडा सा रईजो।
जो थै राईराजा बनडा घणा हो पिसयालु।जो थै राईराजा बनडा घणा हो पिसयालु।
तो सरबत रा प्याला गुलबनडा
मिश्री रा गुन्दा राईराजा, हाजर राखा औ राज
ऊबा सा रईजो।ऊबा सा रईजो म्हारा बनडा ढाडा सा रईजो।ऊबा सा रईजो म्हारा बनडा ढाडा सा रईजो।
जो थै राईराजा बनडा घणा हो रसीला।जो थै राईराजा बनडा घणा हो रसीला।
तो सजना री बेटी गुलबनडा,छोटी-सी बन्नी राईराजा, हाजर राखा औ राज,ऊबा सा रईजो।
ऊबा सा रईजो म्हारा बनडा ढाडा सा रईजो।ऊबा सा रईजो म्हारा बनडा ढाडा सा रईजो।
केसर की क्यारी गुल बनडा लुंबा की बाडी।
बीच-बीच राखु राईराजा, फुल हजारी औ राज
ऊबा सा रईजो।
ऊबा सा रईजो म्हारा बनडा ढाडा सा रईजो।ऊबा सा रईजो म्हारा बनडा ढाडा सा रईजो।