मैं तो बाबुल र बागां री चिड़कोली, परदेशी सुवटीया र लार,बाबुल गठ जोड़ो करयो ।
दादीजी घणी रे खाली थांरी कोटड्यां, मायड़ घणो रे पिलायो काचो दूध,बाबुल गठ जोड़ो करयो ।मैं तो बाबुल र बागां री चिड़कोली, परदेशी सुवटीया र लार,बाबुल गठ जोड़ो करयो।
बाबोजी थार आंगणीय मं खेलती, बडिया जी घणाइ जिमाया जिनवारा भात, बाबुल गठ जोड़ो करयो ।मैं तो बाबुल र बागां री चिड़कोली, परदेशी सुवटीया र लार,बाबुल गठ जोड़ो करयो।
मामोजी चार खंधौल चढ़ घुमती, मामीजी घणाई सुलझाया उलझया केश,बाबुल गठ जोड़ो करयो।मैं तो बाबुल र बागां री चिड़कोली, परदेशी सुवटीया र लार,बाबुल गठ जोड़ो करयो।
मायड़ एकर बुलाज्यो थार आंगण, बाबुल एकर बुलाज्यो थार आंगण, म्हांन आवली सगलां री याद, बाबुल गठ जोड़ो करयो ।मैं तो बाबुल र बागां री चिड़कोली, परदेशी सुवटीया र लार,बाबुल गठ जोड़ो करयो ।
बिरोजी थार साग लड़ती खेलती, लेवण आयज्यो सावणीय री तीज,बाबुल गठ जोड़ो करयो ।मैं तो बाबुल र बागां री चिड़कोली, परदेशी सुवटीया र लार,बाबुल गठ जोड़ो करयो।
म्हांरी संग री सहेल्यां साग खेलती, म्हांन करदी पराई थे आज,बाबुल गठ जोड़ो करयो ।मैं तो बाबुल र बागां री चिड़कोली, परदेशी सुवटीया र लार,बाबुल गठ जोड़ो करयो ।