Ram bhajan ro khunkhuniyo,राम भजन रो खुनखुनियो

राम भजन रो खुनखुनियो म्हारा सतगुरु म्हाने खूब दियो।राम भजन रो खुनखुनियो म्हारा सतगुरु म्हाने खूब दियो।राम भजन रो खुनखुनियो

प्रथम नाम जिभ्या से रटीयो,नाभी में ठहराए दियो।नाभी से विषम के रस में भक्त हाल बेहाल कियो।राम भजन रो खुनखुनियो म्हारा सतगुरु म्हाने खूब दियो।राम भजन रो खुनखुनियो

पांच नाल से ऊंचा चढ़ियो,तिरवेनी ठहराए दियो। रुनझुन रुनझुन बाजे बाजे, जट मारो मनडो लुभाय दियो।राम भजन रो खुनखुनियो म्हारा सतगुरु म्हाने खूब दियो।राम भजन रो खुनखुनियो

जाके ऊपर रंग महल है बादल क्यों गुर्राय रहियो। झिरमिर झिरमिर इमरत बरसे, इमरत पी एलाई रहयो।राम भजन रो खुनखुनियो म्हारा सतगुरु म्हाने खूब दियो।राम भजन रो खुनखुनियो

जाके ऊपर आगे शून्य है सूरज क्यूं चमकाए रहयो।कृष्ण दास सतगुरु जी रे शरण सत्यप्रकाश होय रहयो।राम भजन रो खुनखुनियो म्हारा सतगुरु म्हाने खूब दियो।राम भजन रो खुनखुनियो

राम भजन रो खुनखुनियो म्हारा सतगुरु म्हाने खूब दियो।राम भजन रो खुनखुनियो म्हारा सतगुरु म्हाने खूब दियो।राम भजन रो खुनखुनियो