Suno ladle ri dadi patasa de Dena,सुणो लाडलड़ री दादी पतासा देदेना,jachha geet

जब से तेरा अया बुलावा, तब से लग रही आस पतासा देदेना। थे सुणो लाडलड़ री दादी, पतासा देदेना।

थार धर स्यूं गयो रे बुलावो, भूख लगी ना प्यास, पतासा देदेना । थे सुणो, लाडलड़ री बडिया जी पतासा दे दे ना । दे देना ।

माथो धोयो में तो बाल संवारया, टेढ़ी काढ़ी टाळ, पतासा देदेना। पावडर लगायो, क्रिम लगाई, मांग मं भरीयो सिंदूर, पतासा देदेना। थे सूणो लाडलड़ री काकी पतासा देदेना । दे दे ना ।

साड़ी पेरी मं तो ओढणो ओढयो, ब्लाउज पेरयो फेसन दार, पतासा देदेना। उंची एडी री सेंडील पेरी मौजा पेरया फैसन दार, पतासा देदेना। गाडी में बैठ मं तो थार घर आई घर रो बाल्यो तेल, पतासा देदेना। ये सुणो लाडलड़री माय पतासा देदेना। थे सुणो लाडलड़ री भूवा, पतासा देदेना,

थांरो घणो लडायो गोत, पतासा देदेना। थे सुणो लाडलड़ री भाभी पतासा देदेना। म्हार घर मं खोटी होयो काम पतासा देदेना।

ससू लड़सी, म्हारी नणदल लड्सी, राजन काढ गाळ पतासा देदेना। लय पतासा मं तो घरां न सिधारी, रख दिया आळ र मांय, पतासा देदेना।

पतासा घाल र चाय बणाई, ढुळगी चूल्ह र मांय, पतासा देदेना। छोरा रोव, म्हारी छोरी रोव, राजन तानां मार, पतासा देदेना। म्हे तो रेग्या होटल फोड़, पतासा देदेना। म्हांन घणो रे पतासा रो कोड पतासा दे देना ।