तने ल्यादु ये गोरडी, केसरिया कांचलि।हो संजा पहर लीजे गोरडी, केसरिया कांचलि।
देख झरोखे परबस जोबन, पिड हिये री बांची। हां हां पिड हिये री बांची। अरे पनवाड़ी के पाटे ऊपर ,हलचल सारी माची।हो कितनो जुलुम कर्यों,हो ओ ।हो कितनो जुलुम कर्यों, गोरडी, केसरिया कांचलि।तने ल्यादु ये गोरडी, केसरिया कांचलि।हो संजा पहर लीजे गोरडी, केसरिया कांचलि।
हाट बाजारा में नही पावे, मलमल थारे मन री, हां हां मलमल थारे मन री ।अरे सूरत से मंगवास्यां मलमल,अरे सूरत से मंगवास्यां मलमल, सिलवास्यां मुंबई। रंगास्यां जयपुर में, या केसरिया कांचलि।तने ल्यादु ये गोरडी, केसरिया कांचलि।हो संजा पहर लीजे गोरडी, केसरिया कांचलि।
कांचली में जड़वास्यां महे, कोहिनूर रो हीरो। हां हां कोहिनूर रो हीरो।अरे कयो पीवजी चंवरी ही जद,कयो पीवजी चंवरी ही जद, कोणी लादे हीरो।हो कितनी बड़बोली,आ गोरडी केसरिया कांचलि।हो कितनी बड़बोली,आ गोरडी केसरिया कांचलि।तने ल्यादु ये गोरडी, केसरिया कांचलि।हो संजा पहर लीजे गोरडी, केसरिया कांचलि।
कोहिनूर जो ना मिलियो तो, पन्ना मोल मूलास्यां।हो ओ पन्ना मोल मुलास्यां।अरे पटवारो महला बुलवास्यां,पटवारो महला बुलवास्यां,घुंघरू संग लगास्या। करसी टनकारो ये गोरडी, केसरिया कांचलि।करसी टनकारो ये गोरडी, केसरिया कांचलि।तने ल्यादु ये गोरडी, केसरिया कांचलि।हो संजा पहर लीजे गोरडी, केसरिया कांचलि।
तने ल्यादु ये गोरडी, केसरिया कांचलि।हो संजा पहर लीजे गोरडी, केसरिया कांचलि।