म्हारे माथा में मैमाद ल्याओ रंगरसिया, गैरोजी फूल गुलाब को । म्हारी रखड़ी बैठ जुड़ओ रंगरसिया, गैरोजी फूल गुलाब को ।
गेरो गॅरोजी सासूजी थारो जायो रंगरसिया, गेरोजी फूल गुलाब की । ओ रंगरसिया, गैरोजी फूल गुलाब की ।म्हारी हथेली फरुखे रुपिया ल्याऊ रंगरसिया गैंरोजी फूल गुलाब को ।
म्हारा काना न कुंडल ल्याओ रंगरसिया, गैंरोजी फूल गुलाब को ।म्हारा चूड़ला म टीप लगओ रंगरसिया, गैरोजी फूल गुलाब को ।
गैरो गौरोजी बाई जी थारो बीरो रंगरसिया, गैरोजी फूल गुलाब को । म्हारी जीभड़ली फरू क बरफी ल्याओ रंगरसिया गैरोजी फूल गुलाब को ।
म्हारी आंगलियाँ न बीटी ल्याओ रंगरसिया, गैरोजी फूल गुलाब को । म्हारी बेसर बैठ जड़ाओ रंगरसिया, गैरोजी फूल गुलाब को ।
गैरो गैरोजी सासुजी थारो जायो रंगरसिया, गैरोजी फूल गुलाब को । म्हारी हथेली फरूक मोहर ल्याओ रंगरसिया, गैरोजी फूल गुलाब को।
म्हारी कड़ियाँ न दावण ल्याओ रंगरसिया, गैरोजी फूल गुलाब को ।
गैरो गैरोजी बाईजी थारो बीरो रंगरसिया, गैरोजी फूल गुलाब को ।म्हारी आँखड़ली फरूक घर आओ रंगरसिया, गैरोजी फूल गुलाब को ।