लुम्बी ल्याजो जी ओजी म्हारा ईसरजी ओ उमराव,जटाधारी लुम्बी ल्याजो जी। लुम्बी महंगी ए ओए म्हारी पतलड़ी गनगोर, गुमानण रानी लुम्बी महंगी ए।
महंगी सहंगी ल्याजो जी म्हारा ईसरजी ओ भरतार, जटाधारी, महंगी सहंगी ल्योजो जी।
रूस रहवागां जी ओजी म्हारा पातलिया भरतार,
पन्ना मारू रूस रहवाणां जी । रूसेड़ी मनाय लेवांए ओए म्हारी पातलड़ी घर नार,मिजाजणानी रूसेड़ी मनाय लेवां जी ।महंगी सहंगी ल्याजो जी म्हारा ईसरजी ओ भरतार, जटाधारी, महंगी सहंगी ल्योजो जी।
हार घड़ाद्यो जी ओजी म्हारा पातलिया उमराव, जटाधारी हार घड़ा देवो जी।
हीर महंगा ए ओए म्हारी पातलड़ी गनगोर, सुहागण रानी हार जी महंगो ए। महंगी सहंगी ल्याजो जी म्हारा ईसरजी ओ भरतार, जटाधारी, महंगी सहंगी ल्योजो जी।
बेसर पुवाद्यो जी ओजी म्हारा पातलिया भरतार, जटाधारी बेसर पुवाद्यो जी।
मोती महंगा ए ओए ग्लारी पातलेड़ी घर नार, गुमानण रानी बसेर महंगी ए।महंगी सहंगी ल्याजो जी म्हारा ईसरजी ओ भरतार, जटाधारी, महंगी सहंगी ल्योजो जी।