Meetho bole re papaiya rut aayi Fagan ri,मीठो बोले रे पपैयो रुत आई फागण री,holi geet

मीठो बोले रे पपैयो, रुत आई फागण री। – 2
मन मे आवे रे पिया, थारे सागे रेवन री।गौरी जोवे बाट पिया की ,गौरी जोवे बाट पिया की ,
कह गया आवण री।मीठो बोले रे पपैयो, रुत आई फागण री।
मन मे आवे रे पिया, थारे सागे रेवन री।मीठो बोले रे पपैयो, रुत आई फागण री – 2
मन मे आवे रे पिया, थारे सागे रेवन री।

जेठ जेठानी सुख से सोवे, सोवे ननद नवेली रे ।
कुनसे जनम को बैर निकालयो, मैं सोउ एकली।
मन मे आवे रे पिया थारे सागे रेवन री।मीठो बोले रे पपैयो, रुत आई फागण री – 2
मन मे आवे रे पिया, थारे सागे रेवन री।

रात में सोउ तो ढोला, नींद कोनी आवे – 2
एकली सोउ तो मेरो, जियो घबरावे है।
फेर फेर बस आडा रातू , बिताऊँ फागण री
मन मे आवे रे पिया, थारे सागे रेवन री।मीठो बोले रे पपैयो, रुत आई फागण री – 2
मन मे आवे रे पिया, थारे सागे रेवन री।

चंदा तेरी चांदनी डागलिये, पलँग लगायो रे ।
झुन झुन रोवे गौरडी, साजन जी क्यो नही आये रे।तारा गिण गिण रात बिताऊँ , मैं तो फागण री।मन मे आवे रे पिया थारे सागे रेवन री।मीठो बोले रे पपैयो रुत आई फागण री – 2
मन मे आवे रे पिया थारे सागे रेवन री।