नखराळो देवरियो भाभी पर जादू कर ग्यो
नखराळो देवरियो भाभी पर जादू कर ग्यो । मतवालो देवरियो भाभी पर जादू कर ग्यो ।
रंग रंगीलो छेल छबीलो देवरियो है म्हारो
मिठो मिठो मुल्कन लागे बोले प्यारो प्यारो
कामण-गारो देवरियो भाभी पर कामण करग्यो।नखराळो देवरियो भाभी पर जादू कर ग्यो ।
चंदा जैसी चम्क्योड़ी मैं लाऊंगी देवराणी हो।
थे हो म्हारा प्यार देवर बा म्हारी देवरानी हो
जादूगारो देवरियो भाभी के चित चढ़ ग्यो ।नखराळो देवरियो भाभी पर जादू कर ग्यो।
खूब मिलेगी जोड़ी थारी, थे राजा बा राणी हो।
म्हारी भी जोड़ी मिल जासी देवरानी जेठानी ।
सैलानी देवरियो भाभी पर जादू कर ग्यो ।नखराळो देवरियो भाभी पर जादू कर ग्यो।