बाई सा रा बीरा म्हानै पिहरीय ले चालो सा, पिहरीय री म्हानें ओल्यू आवै ।
धण अलबेली मीरगा नेणी मतवाली ऐ, सासरीय मं कांई दुख पावे । मायड़ थारी म्हास्यूं पाणीड़ो भरावे सा, पतळी कमर म्हारी लुळ लुळ जाय। पिहरीय री म्हानें ओल्यू आवै ।
पाणीड़ो भरण री बातां पैली म्हे बताया ऐ। पतली कमर कैंया लुळ लुळ जाय। बैनड़ थारी म्हास्यूं टेढी टेढी चाले सा, यो बरताव म्हानै कैइयां भावे । पिहरीय री म्हानें ओल्यू आवै ।
बेनड म्हारी हरीयल बागां री मैना ए। दिन दश रहके बातो उड़ जाये । थे तो बातां रा लोभी समझे ना समझाओ सा, सांची कहूं तो म्हाने लाज आवै। पिहरीय री म्हानें ओल्यू आवै ।
समज्या मीजाजण थारे हिवड़ेरी बातां ए। नव महीने थाळ बजवाव।
पेली तो थाळी म्हारै पिहरीय मं बाजै सा पिहरीयरी शोभा बढ ज्यावै। पिहरीय री म्हानें ओल्यू आवै ।