Are ramram re bhaya ramram re,अरे राम राम रे भाया राम राम रे,

अरे राम राम रे भाया राम राम रे,
हे म्हारी बोली चाली रा गुणा माफ,
भायो ने म्हारा राम राम रे।

हे कठे बेवाडू डोडा ऐल जी रे,
भाया राम-राम रे,
हे ओ तो कठोडे बेवाडू नागर वेल,
भायो ने म्हारा राम राम रे।

हे कागज वे तो मै वासलू रे,
भाया राम-राम रे,
हे ओ तो कर्म मा सु वाचियो नी जाये,
भायो ने म्हारा राम राम रे ।

हे कुओ वे तो मै डाकलू रे,
भाया राम – राम रे,
हे ओ तो समन्दर मा सु डाकियों नी जाये,
भायो ने म्हारा राम राम रे।

हे धागों वे तो मै तोड़ दु रे,
भाया राम – राम रे,
हे ओ तो प्रेम मा सु तोड़ियो नी जाय,
भायो ने म्हारा राम राम रे ।

हे टाबर वे तो मै राखलू रे,
भाया राम – राम रे,
हे ओ तो रावल मा सु राखियो नी जाय,
भायो ने म्हारा राम राम रे।

राणी रूपा के री विनती रे,
भाया राम – राम रे,
म्हारा साधुड़ा रो अमरापुर में वास,
भायो ने म्हारा राम राम रे ।

आया जको ने राम – राम,
गिया जको ने राम – राम,
अरे सब भक्तो ने राम – राम ।

अरे राम राम रें भाया राम राम रे,
हे म्हारी बोली चाली रा गुणा माफ,
भायो ने म्हारा राम राम रे ।