Mhara bhawra re jowe jami par pagla dharna,म्हारा भंवरा रे जोवे जमीं पर पगला धरणा ।

म्हारा भंवरा रे ,
जोवे जमीं पर पगला धरणा ।
म्हारा भंवरा रे ,
भाळे भाळे ने वस्तु लेणा ॥

उंडा सागर रो हंसा ,
संगड़ो नहीं करणो रे ,
पाळ बैठेने पगला धोणा ।
पाळ बैठे ने पगला धोणा ,
म्हारा भंवरा रे
म्हारा भंवरा। …..

ऊंचा तरवर रो हंसा ,
संगड़ो नहीं करणो रे ,
नीचे पड़ियोड़ा फळ खाणा ॥
नीचे पड़ियोडा फळ खाणा ,
म्हारा भंवरा रे ॥
म्हारा भंवरा। …..

नव सौ रे नदियाँ ,
निनाणु नाळा ,
एतो उतरणा घणा दोरा ।
एतो उतरणा घणा दोरा ,
म्हारा भंवरा रे ।।
म्हारा भंवरा। …..

पर नारी रो हंसा ,
संगड़ो नहीं करणो रे ,
पथ पंचों में नहीं खोणा ।
पथ पंचों में नहीं खोणा ,
म्हारा भंवरा रे ।।
म्हारा भंवरा। …..

भणत कबीर सा केवे ,
सुणो भाई साधु ओ ,
राम जीने लागे वे नर प्यारा ।
राम जीने लागे वे नर प्यारा ,
म्हारा भंवरा रे ॥
म्हारा भंवरा। …..

म्हारा भंवरा रे ,
जोवे जमीं पर पगला धरणा ।
म्हारा भंवरा रे ,
भाळे भाळे ने वस्तु लेणा ॥