Udal aapa nanere chala,अरे ऊंचा ऊंचा धोरा जी रा देवरा रे, उदल जोडे नौनेरा रा गेला, उदल आपा नानेरे चाला

अरे ऊंचा ऊंचा धोरा जी रा देवरा रे, उदल जोडे नौनेरा रा गेला, उदल आपा नानेरे चाला, वो किशन आपा नानेरे चाला वो।।

अरे नानेरा मे नाना नानी कोईने रे, उदल कुण करेला थारा लाड, उदल आपा पाछा परा चाला वो, वो किशन आपा नानेरे चाला वो।।

अर नानेरा मे नाना नानी होवता, ये जामण घणो लडाता मारो लाड, माता मारी हियो भर आवे ये, नानेरा कि मन ओल्यू घणी आवे ये ।।

अर मत ना रोवे रे उदल लाडला रे, थारा गुर्जर गारी करेला वो लाड, उदल मारा छानो रेजा रे,

अर मत ना रोवे रे उदल लाडला रे, थारा गुर्जर गारी करेला वो लाड, उदल मारा छानो रेजा रे, उदल मारा छानो होजा रे।।

अर कठे गया मामा ओर मामिया ये, मया सुनी पडी नानेरा पोल्ल, पोल्लया पर जामण ताला क्यों लागा वो. पोल्लया पर जामण ताला क्यों लागा वो।

अर मोट का मामी सा परदेस ने रे, उदल नानक्या वो माम्मी सा रा लेखा, उदल आपा पाछा परा चाला वो, किशन आपा पाछा परा चाला वो।।

अर लोढियाणा रो बालू धनगर गावीयो रे, उदल घणा लडाया थारा लाड, उदल आपा लोढियाणे चाला वो, नाराण आपा लोढियाणे चाला वो।।

अरे ऊंचा ऊंचा धोरा जी रा देवरा रे, उदल जोडे नौनेरा रा गेला, उदल आपा नानेरे चाला, वो किशन आपा नानेरे चाला वो।।