Modo ghano aayo re sawaliya the mari laaj gawayi re,मोड़ो घणो आयो रे सांवलिया,थे मारी लाज गवाई रे,krishna bhajan

मोड़ो घणो आयो रे सांवलिया,
थे मारी लाज गवाई रे,
लाज गवाई रे,
सोवला लाज गवाई,
थे मोङो आयो रे कोनुङा,
थी मारी लाज गवाई रे।।

सगा वाला रे महल मालिया,
खीङकी नयारी रे,
नरसी भक्त रे टुटे झुपङे,
वसमी बारी रे,
मोङो घणो आयो रे सांवलिया,
थे मारी लाज गवाई रे।।

और जना रे हिरक पथरणा,
कांबल नयारी रे,
नरसी भक्त रो फाटी गोदङी,
वसमी कारी रे,
मोङो घणो आयो रे सांवलिया,
थे मारी लाज गवाई रे।।

सगा वाला रे लाडु घेवर,
चुरमा नयारा रे,
नरसी भक्त रे खाटी राबङी,
वो भी बासी रे,
मोङो घणो आयो रे सांवलिया,
थे मारी लाज गवाई रे।।

नरसी भक्त री अर्ज विनती,
सांवरा सुनियो रे।
नैनु बाई रो मायरो पुरीयो,
चावल पुरे हो,
मोङो घणो आयो रे सांवलिया,
थे मारी लाज गवाई रे।।

मोड़ो घणो आयो रे सांवलिया,
थे मारी लाज गवाई रे,
लाज गवाई रे,
कानुड़ा लाज गवाई,
थे मोङो आयो रे कोनुङा,
थी मारी लाज गवाई रे।।