Devi ro agwani bheruji ghughariya ghamkawe,देवी रो अगवाणी भैरूजी ,घुघरियाँ घमकावे

देवी रो अगवाणी भैरूजी ,घुघरियाँ घमकावे ।
घुघरियाँ घमकावे भैरूजी ,
रूमझुम करतो आवे खेतल , घुघरिया घमकावे।

काळा – गोरा भैरूजी ,रा राता – राता नैण ।
मंछा पूरण करे खेतलो ,है भगतां रो सैण ।
सोवन चुटियो हाथ में सोवे ,
रूमझुम करतो आवे खेतल , घुघरिया घमकावे।

देवी रो अगवाणी भैरूजी ,घुघरियाँ घमकावे ।
घुघरियाँ घमकावे भैरूजी ,
रूमझुम करतो आवे खेतल , घुघरिया घमकावे।

कळियुग रो अवतारी रे ,भैरूजी सोनाणे विराजे।
तेल सिन्दूर थारे चढे चूरमो ,ढोल नगारा बाजे ।
माली पन्नारो बागो पहरावे ,
रूमझुम करतो आवे खेतल , घुघरिया घमकावे।

देवी रो अगवाणी भैरूजी ,घुघरियाँ घमकावे ।
घुघरियाँ घमकावे भैरूजी ,
रूमझुम करतो आवे खेतल , घुघरिया घमकावे।

बारहे मणां रा चढे बाकळा , तेरहे घाणी रो तेल।
सोनाणे रा दरशन करलो , आसी खेतल बेल ।
जगदम्बारे चँवर ढुलावे ,
रूमझुम करतो आवे खेतल , घुघरिया घमकावे ।

देवी रो अगवाणी भैरूजी ,घुघरियाँ घमकावे ।
घुघरियाँ घमकावे भैरूजी ,
रूमझुम करतो आवे खेतल , घुघरिया घमकावे।

सोनाणा भैरू रा ,परचा पड़रया है हद भारी ।
चैत्रसुदी एकम् खेतला रो ,मेळो भरीजे भारी ।
दास जी स्वर्ग सिधारया
भगत गावे खेतल , घुघरिया घमकावे।

देवी रो अगवाणी भैरूजी ,घुघरियाँ घमकावे ।
घुघरियाँ घमकावे भैरूजी ,
रूमझुम करतो आवे खेतल , घुघरिया घमकावे।