Pahla jeda prem hamesha koni rewe o,पहला जेड़ा प्रेम,हमेशा कोनी रेवे ओ

पहला जेड़ा प्रेम,
हमेशा कोनी रेवे ओ ।
नेम धरम थारा,
छाना कोनी रेवे ओ ।
पाप कियोडा थारा,
छाना कोनी रेवे ओ ।
बरस्योड़ा री बातड़ी,
बटाऊ बीरो केवे ओ ॥

काचे तागे ताणो तणियो,
तणियो पेला टूटे ओ ।
ओछे जलरा नाडिया ए,
बरस्यां पेला फूटे ओ ॥

पहला जेड़ा प्रेम,
हमेशा कोनी रेवे ओ ।
नेम धरम थारा,
छाना कोनी रेवे ओ ।
पाप कियोडा थारा,
छाना कोनी रेवे ओ ।
बरस्योड़ा री बातड़ी,
बटाऊ बीरो केवे ओ ॥

नीम जेड़ा कड़वा खारा,
मीठा किण विध होवे ओ ।
दूधां धोवो कोयला ए,
उजळा कोनी वेला ओ ॥

पहला जेड़ा प्रेम,
हमेशा कोनी रेवे ओ ।
नेम धरम थारा,
छाना कोनी रेवे ओ ।
पाप कियोडा थारा,
छाना कोनी रेवे ओ ।
बरस्योड़ा री बातड़ी,
बटाऊ बीरो केवे ओ ॥

संत रे घर शंखणी आ,
फूहड़ रे घर नार ओ ।
रूप दीनो रोहिड़ा ने,
भूल गयो किरतार ओ ।
माया दीनी मूरख ने ओ,
भूल गयो किरतार ओ ॥

पहला जेड़ा प्रेम,
हमेशा कोनी रेवे ओ ।
नेम धरम थारा,
छाना कोनी रेवे ओ ।
पाप कियोडा थारा,
छाना कोनी रेवे ओ ।
बरस्योड़ा री बातड़ी,
बटाऊ बीरो केवे ओ ॥

बोले बाई रूपां दे,
उगम सिंह जीरी चेली ओ ।
छाणियोड़ा दूध,
अण छाणियोड़ा पाणी ओ ॥

पहला जेड़ा प्रेम,
हमेशा कोनी रेवे ओ ।
नेम धरम थारा,
छाना कोनी रेवे ओ ।
पाप कियोडा थारा,
छाना कोनी रेवे ओ ।
बरस्योड़ा री बातड़ी,
बटाऊ बीरो केवे ओ ॥