रनुजे री जाई ये माय मने, पुंगलगढ़ परणायी।पुंगलगढ़ परणायी ये माय मने, दुखड़ा में परणायी।🌹🌹🌹🌹🌹🌹🌹🌹🌹🌹दुखड़ा में परणायी ये माय मने, अलगोड़ी परणायी।अलगोड़ी परणायी ये माय मने पुंगलगढ़ परणायी।
रामदेवजी रो ब्याह मंडियों, मैनादे दुखड़े माय ओ मां। लाछा बाई आई हो म्हारी,सुगना क्यूं नही आई हो मां।🌹🌹🌹🌹🌹🌹🌹🌹आजा रे म्हारा वीरा रामदेव,सुगना बाई बुलावे ओ राज।सुगना बाई बुलावे बैनड़ आंसूडा ढलकावे।
डागलिया चढ़ जोऊं ऊबी वीरा थारी बाटां जोऊं ओ मां। झीने झीने घुंघटिया में झुर झुर रोऊं ओ माय।🌹🌹🌹🌹🌹🌹🌹🌹 ननदल मेना बोले मानी,सासु घणी सतावे ओ राज।सुगना री अरदास सुनेनि आवो रामदेव वीर ओ राज।
मायड़ नी भाभोसा म्हाने,लाड़ लड़ाई ओ माय।पुंगलगढ़ रे धोरा में मने, अलगोड़ी परणायी ओ माय।🌹🌹🌹🌹🌹🌹🌹🌹🌹🌹🌹राखडी पूनम ने मने, विरो याद आवे ओ मां। वीरों याद आवे म्हारो,जीवडलो दुःख पावे ओ मां।
बाटा तो जोऊं थारी वीरा, कद तो थे आओ ओ राज। बालपना रा साथिडानी कोन मिलावे ओ राज।🌹🌹🌹🌹🌹🌹🌹🌹🌹🌹🌹थे तो नै आया तो थे, रत्ना ने क्यूं वैज्या राज। पुंगल रा पणिहार इन ने,बांध जेल में नाकियो राज।
समुंदरिया में बोई थारी, जाजडली नी तारी ओ राज।सुगना ने थे लेवन आओ, जानों कई पराई ओ राज।🌹🌹🌹🌹🌹🌹🌹🌹🌹🌹थारे बिना बीरा म्हाने, हिवड़ा सु कुन लगावे ओ राज।हिवड़ा से कुन लगावे म्हाने,धीरज कुन बंधावे ओ राज।
पुंगल रा पणिहारी म्हाने, बेजा बेजा बोले ओ राज। रत्नों पड़ियो कैद में ये केदडली नही खोले ओ राज।🌹🌹🌹🌹🌹🌹🌹🌹 सुगना री अरदास सुनीने आया वीरा रामदेव राज।सुगना बाई री ओलुडी ने, भजन मंडल जस गावे ओ राज।
Naye Naye Bhajan Lyrics 
