Nani bai bhajan,kun sunelo kine sunau, कून सुनेलो किने सुनाऊं

कून सुनेलो किने सुनाऊं।मनडे री बातां सारी,किने सुनाऊं।कून सुनेलो किने सुनाऊं

बाबुल आयो सागे, सुरिया ने ल्यायो।भात भरण ने कुछ भी न लायो।🌹🌹🌹🌹🌹सासु ननद पूछे, कांई बताऊं।कून सुनेलो किने सुनाऊं।

गांव गली रा म्हारी,हंसी उड़ाए, मोड़ा री जाई म्हाने सगला बताए।🌹🌹🌹🌹🌹🌹🌹निर्धानिया री आज बेटी कुहाऊं।कून सुनेलो किने सुनाऊं।

मायड़ बिन कुंन, हिवड़े लगावे, बीर बिना कुंन चुंदड़ी उढावे।🌹🌹🌹🌹🌹🌹🌹🌹🌹 कालजो फाट्यो जावे,किने बताऊं।कून सुनेलो किने सुनाऊं।

जन्मी जद मायड़,मार दी होती।आज मायड़ में पछताती न रोती।🌹🌹🌹🌹🌹🌹🌹🌹 डूब मरूं पर,घर नहीं जाऊं।कून सुनेलो किने सुनाऊं।

इसरो के में पाप कमायो।ना मायड़ ना मां को जायो।🌹🌹🌹🌹🌹🌹🌹🌹🌹🌹🌹 कईयां मनडे ने धीर बंधाऊं।कून सुनेलो किने सुनाऊं।

जीवन बिरथा लाज गंवा के।के में करूंगी घर में जाके।🌹🌹🌹🌹🌹🌹🌹🌹🌹🌹🌹धरती भी फाटे कोनी, ज्या में बड़ जाऊं।कून सुनेलो किने सुनाऊं।

कून सुनेलो किने सुनाऊं।मनडे री बातां सारी,किने सुनाऊं।कून सुनेलो किने सुनाऊं