तर्ज, खम्मा खम्मा
ओ जी दादीजी थारी यादडली सतावे, कोई आंख्यां नीर बहावे जिओ, जय जय मैया झुंझुनू वाली।
थाने ही तो ध्यावां, मैं तो थाने ही मनावां। थाने तो छोड़ कठे जावां जिओ ।जय जय मैया झुंझुनू वाली।
थारे जीसी दातार भवानी और नहीं देखी। देख्या महे थारी सकलाई जिओ। जय जय मैया झुंझुनू वाली।
चूड़ो पहरावा थाने चुनरी उढावा, थारे हाथा में मेहंदडली रचावां जिओ ।जय जय मैया झुंझुनू वाली।
खीर पूढ़ा को थारे भोग लगावां, कोई नारियल भेंट चढ़ावां जिओ। जय जय मैया झुंझुनू वाली।
आंधडल्या ने आंख्या देवो, पांगल्या ने पगलिया।थे तो बांझड़िया रा पालना झुलावो जिओ। जय जय मैया झुंझुनू वाली।
सांचे रे मनसे दादी जो भी कोई ध्यावे। अटकोडी नैया पार लगाओ जिओ ।जय जय मैया झुंझुनू वाली।
Naye Naye Bhajan Lyrics 