sethani Bhaj Le Shyam Ko Naam,सेठानी तूं तो भज ले श्याम को नाम की झोली तेरी बाबो भर देगो,shyam bhajan

सेठानी तूं तो भज ले श्याम को नाम, की झोली तेरी बाबो भर देगो। विनती सुन लेगो पुत्र गोदी में दे देगो।सेठानी तूं तो भज ले श्याम को नाम, की झोली तेरी बाबो भर देगो।

वो दीनानाथ है बड़ो दयालू ,सब ने बुलावे है ।सेठानी यो तो सब ने बुलावे है। मोर छड़ी को झाड़ो लगावे, सर पे फिरावे है।सेठानी यो तो सर पे फिरावे है। बेगी सी तु चाल द्वार पर, शरण लगावेगो।सेठानी तूं तो भज ले श्याम को नाम, की झोली तेरी बाबो भर देगो।

गठ जोडा से खाटू चाला मत ना देर लगावे। सेठानी तू तो मत ना देर लगावे। मन इच्छा सब पूरी कर दे क्यों मन में घबरावे। सेठानी तू तो क्यों मन में घबरावे। ले बाबा को नाम नाव तेरी पार लगा देगो।सेठानी तूं तो भज ले श्याम को नाम, की झोली तेरी बाबो भर देगो।

दर्जी के घर जाकर आपा एक निशान सिमांवा। सेठानी आपा एक निशान सीमावां। शिखर बंद की चोटी ऊपर खाटू जाए चढ़ावा। सेठानी आपा खाटू जाए चढ़ावा। सब लोगा में बाबो म्हारी साख बना देगो।सेठानी तूं तो भज ले श्याम को नाम, की झोली तेरी बाबो भर देगो।

सेठानी तूं तो भज ले श्याम को नाम, की झोली तेरी बाबो भर देगो। विनती सुन लेगो पुत्र गोदी में दे देगो।सेठानी तूं तो भज ले श्याम को नाम, की झोली तेरी बाबो भर देगो।