suti dhan sukh bhari nind sapne me baati ghughri ,अरे सुति धन सुख भरी नींद सपने में बाटी घूघरी जी महारा राज,jachha geet

अरे सुति धन सुख भरी नींद, सपने में बाटी घूघरी जी महारा राज।सपने में बाटी घूघरी जी महारा राज। गेहूं चना की घुघरडी रंधाए , मुंगा रा ऊपर डोरडा जी महारा राज।मुंगा रा ऊपर डोरडा जी महारा राज।

हरे बांस की छाबड़िया मंगाय,धर लयाई ऊपर नातनो जी म्हारा राज।धर लयाई ऊपर नातनो जी म्हारा राज। धायी के ने बेटा ने बुलाए, म्हारी नगर बटाओ घूघरी जी म्हारा राज।म्हारी नगर बटाओ घूघरी जी म्हारा राज।

आओ राइका बैठो म्हारे पास, म्हारी नगर बटाओ घूघरी जी महारा राज।म्हारी नगर बटाओ घूघरी जी महारा राज।अरे बांटो राइका उरले परले पास,मत जाइयो ननद घर घूघरी जी महारा राज।मत जाइयो ननद घर घूघरी जी महारा राज।

आओ राइका बैठो म्हारे पास, म्हारी किन विध बांटी घूघरी जी महारा राज।म्हारी किन विध बांटी घूघरी जी महारा राज।अरे बांटी में तो ऊरले पूरले पास,भाई घर ओझ्यो चोलियो जी महारा राज।भाई घर ओझ्यो चोलियो जी महारा राज।

अरे थे तो रायका असल गवार, म्हारी बांट न जानी घूघरी जी महारा राज।म्हारी बांट न जानी घूघरी जी महारा राज।सुति धन सुख भरी नींद, सपने में बाटी घूघरी जी महारा राज।सपने में बाटी घूघरी जी महारा राज।

अरे सूती धन खूंटी तो तान, गिगे ने बोबो ना दियो जी म्हारा राज।गिगे ने बोबो ना दियो जी म्हारा राज। बाहर सु आयो गोरी रो बिंद,म्हारी गोरी निलखल क्यूं रहवे जी म्हारा राज।म्हारी गोरी निलखल क्यूं रहवे जी म्हारा राज।

अरे थारो नाईको असल गवार, म्हारी बांट न जानयो घूघरी जी महारा राज।म्हारी बांट न जानयो घूघरी जी महारा राज।अरे उठो सायिबन दातन पाड़,थारी पाछी ल्यास्यां घूघरी जी महारा राज।थारी पाछी ल्यास्यां घूघरी जी महारा राज।

अरे पांच पिया दादस असवार, बाई के पिरो पावनो जी म्हारा राज।बाई के पिरो पावनो जी म्हारा राज।अरे आओ बीरा बैठो म्हारे पास, थारो तो आवन क्यों हुयो जी महारा राज।थारो तो आवन क्यों हुयो जी महारा राज।

अरे थारी भावज असल गवार, बा पाछि मांगे घुघरी जी म्हारा राज।बा पाछि मांगे घुघरी जी म्हारा राज।अरे वीरा थोड़ा हलवा हलवा बोल, म्हारी दोरानी जेठानी सब सुने जी म्हारा राज।म्हारी दोरानी जेठानी सब सुने जी म्हारा राज।

अरे सुति धन सुख भरी नींद, सपने में बाटी घूघरी जी महारा राज।सपने में बाटी घूघरी जी महारा राज।सपने में बाटी घूघरी जी महारा राज।सपने में बाटी घूघरी जी महारा राज।सपने में बाटी घूघरी जी महारा राज।