Bana sa ro palyo posyo bandaro mhare mahla chadhgyo,बनासा रो पाल्यो पोस्यो बांदरो म्हार महलां चढ़ग्यो ,shadi geet

बनासा रो पाल्यो पोस्यो, बांदरो म्हार महलां चढ़ग्यो । म्हान जगाण्यां क्यूं नहीं लाडली बो कांई कांई लेग्यो ।

बाल्टी लेग्यो साबुन लेग्यो और तो बो सेम्पू लेग्यो । थांन जगाण्या इतनी देर मं म्हारो गमछो लेग्यो ।बनासा रो पाल्यो पोस्यो, बांदरो म्हार महलां चढ़ग्यो ।

बनासा रो पाल्यो पोस्यो बांदरो रसोंयां चढ़ग्यो । म्हांन जगाण्यां क्यूं नही लाडली बो कांई कांई लेग्यो । चकलो लेग्यो बेलण लेग्यो, जांवतो म्हारी थाळी लेग्यो । थां न जगाण्या ईतनी देर मं म्हारो फलको लेग्यो ।बनासा रो पाल्यो पोस्यो, बांदरो म्हार महलां चढ़ग्यो ।

बनासा रो पाल्यो पोस्यो बांदरो कमरां मं चढ़ग्यो । म्हांन जगाण्यां क्यूं नही लाडली बो कांई कांई लेग्यो । साड़ी लेग्यो सायो लेग्यो, और तो ब्लाउज लेग्यो । थां न जगाया इतनी देर मं म्हारो गाउन लेग्यो ।बनासा रो पाल्यो पोस्यो, बांदरो म्हार महलां चढ़ग्यो ।

बनासा रो पाल्यो पोस्यो बांदरो म्हार महलां चढ़ग्यो । म्हांन बताया क्यूं नही लाडली बो कांई कांई लेग्यो । पावडर लेग्यो क्रीम लेग्यो और तो म्हारो काजल लेग्यो। थांन जगाण्या ईतनी देर मं लिपिस्टीक लेग्यो ।बनासा रो पाल्यो पोस्यो, बांदरो म्हार महलां चढ़ग्यो ।