Ram thari nagri me kayi ghato,राम थारी नगरी में काई घाटो,

राम थारी नगरी में काई घाटो,
कर्म अनुसार मिले है बाँटो,
भगवान थारी नगरी में काई घाटो,
कर्म अनुसार मिले है बाँटो।

कोई न मिले है लाडु पेडा,
कोई न मिले ह सुखो आटो,
कर्म अनुसार मिले है बाँटो,
भगवान थारी नगरी में काई घाटो,
कर्म अनुसार मिले है बाँटो।

कोई न मिले ह महल मालीया,
कोई के ह कड़बी को टाटो,
कर्म अनुसार मिले है बाँटो,
भगवान थारी नगरी में काई घाटो,
कर्म अनुसार मिले है बाँटो।

कोई न मिले ह शाल दुशाला,
कोई के ह चादर फाटो,
कर्म अनुसार मिले है बाँटो,
भगवान थारी नगरी में काई घाटो,
कर्म अनुसार मिले है बाँटो।

ज्ञानदास मिल्या गुरू पुरा,
राम नाम को रोडो लाटो,
कर्म अनुसार मिले है बाँटो,
भगवान थारी नगरी में काई घाटो,
कर्म अनुसार मिले है बाँटो।

राम थारी नगरी में काई घाटो,
कर्म अनुसार मिले है बाँटो,
भगवान थारी नगरी में काई घाटो,
कर्म अनुसार मिले है बाँटो ।