Kathe su aayi dayi kathe su aayo nayi,कठे स्यूं आई दाई कठे स्यूं आयो नाई,jachha geet

कठे स्यूं आई दाई, कठे स्यूं आयो नाई, कई स्यूं आई रे गीगा थांरी भुवा बाई।

दिल्ली स्यूं आई दाई, जयपुर स्यूं आयो नाई,
सासरिया स्यूं आई रे गीगा थांरी भुवा बाई ।

आ कांई करसी दाई, ओ कांई करसी नाई, आ कांई करसी रे गीगा थांरी भुवा बाई ।

आ नालो मलासो दाई, नूंतण न जासी नाई, आ साखिया पुराव रे गीगा थांरी भुवा बाई ।

आ कांई लेसी दाई, ओ कांई लेसी नाई, आ कांई लेसी रे गीगा थांरी भुवा बाई ।

आ आखा लेसी दाई, नारेल लेसी नाई,
आ कइी लेसी रे गीगा यांरी भुवा बाई।

आ रूस गई दाई, ओ रूस गया नाई,
आ रूस गई रे गीगा यांरी भुवा बाई।

मनाय लेस्यां दाई, मनाय लेस्यां नाई,
मनाय लेस्यां रे गीगा यांरी भुवा बाई।

म्हे पांच देस्यां दाई, पच्चीस देस्यां नाई,
म्हे डोरा देस्यां रे गीगा यांरी भुवा बाई।

आ राजी होगी दाई, ओ राजी हो गयो नाई,
आ नाचण लागी रे गीगा थांरी भुवा बाई। बधाई बांट रे गीगा थांरी भुवा बाई ।