थारा उड़ गया केश काला रे डोकरिया ,
अब कद फेरेला तूं माला।
सूजे नहीं अब पड़े भाड़ में ,
करे मजाकों वाला।
अरे घर की लुगाई थारो केणो नी माने ,
उठे जीव में उकाला।
थारा उड़ गया,थारा उड़ गया केश काला रे डोकरिया ,अब कद फेरेला तूं माला।
बूढ़ो हुवो ने अब लकड़ी ली दी ,
थारा धूजण लागा डाला।
अरे मुखड़ा री सोभा दात पड़िया ,
खाली रह गया आला।
थारा उड़ गया। थारा उड़ गया केश काला रे डोकरिया ,
अब कद फेरेला तूं माला।
माया रो मोह छोड़ ने राखे ,
देवे पेटियों रे ताला।
अरे गाड़ी घोडा काम नी आवे ,
जाणो पड़ सी पाला।
थारा उड़ गया। थारा उड़ गया केश काला रे डोकरिया ,
अब कद फेरेला तूं माला।
बेटा ने परणाय बुलायो ,
अब घर बिंदनियो रा हाला।
कद मरेलो यो डोकरा डाकी ,
फितर ही फेरे माला।
थारा उड़ गया। थारा उड़ गया केश काला रे डोकरिया ,
अब कद फेरेला तूं माला।
थारा उड़ गया केश काला रे डोकरिया ,
अब कद फेरेला तूं माला।