म्हे हरीया गोबर गंवली दयां, मोत्यां चोक पूराय स्यां। हे मोत्यां रा दस आखा दयां निरणी गवर पूजाय स्यां।
गवरल, गवरजा ए ढ़कीयो बार न आव, बाहर उभी तिजण्यां ए भीतर उभ्यारावा गवरल, क्या सुण मांग तिजण्या ए, क्या सुण मांग राव। अन्न धन मांग तिजण्यां ए, घुड़लो मांग राव।
मांग पीवर सासरो ए, मांग सो परीवार। माय सारीसो मायरो ए, बाप सारीरो लाड। सुसरो गढ़ा रो राजवी ए, सासु गंगाजल नीर। देवर देवा आंगटी ए, बीर पुन्य रो चांद।
नणंदल आभा बीजली ए बेन सावणीय री तीज। गाजूं घोडूं मेड़ता ए, बरसो बाबां जी र देश । निपजावो मोठ र बाजरो ए कोडयां रूल रे जवार।
घोरां धोरां काकड़ी ए डेरां पड़या रे मतीर, ओ कुण खासी काकड़ी ए, ओ कुण खासी मतीर । भावजा खासी काकड़ी ए, बीरो खासी मतीर । खाटी लाग काकड़ी ए मीठो लाग मतीर।
पूजो ए पूजारी बायां, क्या सुण मांगो। अन्न मांगा धन मांगा, लाक्ष मांगा लिक्षमी। काल घोड़ा काको मांगा, काजल वाली काकी बड़ो दुमालो मामो मांगा, विणजारा सी मामी फुस बुहारण फूफा मांगा, हांडी धोवण भूवा।
रात चूडल बेनड़ मांगा, सांवलीयो बनेई। कान कंवर सो बीरो मांगा, राई सी भोजाई इतरो देई माता गवरज्या ए, गवरज्या ए म्हे थान पूजण आय, अरज करा लख चार- मेड़यां बेठयो मद पीव ए माया मं सिरदार।
अंग मोड़ घोड़ी चढ़ ए लीली रो असवार। टेकी बांध पागड़ी ए बाल राठौड़ी वाला।ओ वर देई माता गवरज्या ए म्हे यान पूजण आय। सेर डोव री राबड़ी ए सोलह रोटा खाया।
मूख नही घोव सूरड़ो ए खल्ला पेरयां खाय। ओ बर टाली माता गवरज्या ए म्हे थान पूजण आय। अरज करा लख चार।
Naye Naye Bhajan Lyrics 
