Categories
Holi geet

Baad tale kar bahi re tambaku,बाड़ तळे कर बाहि रे तम्बाकू ,holi geet

बाड़ तळे कर बाहि रे तम्बाकू

बाड़ तळे कर बाहि रे तम्बाकू
बाड़ तळे कर बाहि रे तम्बाकू
तो बाहि रे भंवर जी के पियेबा ने
मेरो मन पिहर जायेबा ने
तो बाहि रे भंवर जी के पियेबा ने
मेरो मन पिहर जायेबा ने ।



ल्याये गोरी हुक्को ल्याये गोरी डब्बि
ल्याये गोरी हुक्को ल्याये गोरी डब्बि।
तो ल्याये गोरी पान तम्बाकू को
मेरो मन हुगो पियबा को
तो ल्याये गोरी पान तम्बाकू को
मेरो मन हुगो पियबा को ।



बळगो तेरो हुक्को बळगी तेरी डब्बि
बळगो तेरो हुक्को बळगी तेरी डब्बि।
तो बळगो तेरो पान तम्बाकूको
मेरो मन पिहर जायेबा ने
तो बळगो तेरो पान तम्बाकू को
मेरो मन पिहर जायेबा ने



बात बात में नट मत गोरी
बात बात में नट मत गोरी
तो ल्यादे गोरी पान तम्बाकू को
मेरो मन हुगो पियबा को
तो ल्यादे गोरी पान तम्बाकू को
मेरो मन हुगो पियबा को ।



महलां बिच धमा धम माची
महलां बिच धमा धम माची
तो कोई ये ने आयो ये छुड़ाये बा ने
मेरो मन पिहर जायेबा ने
तो कोई ये ने आयो ये छुड़ाये बा ने
मेरो मन पिहर जायेबा ने।



थारे बिना कयां रहस्यां ये गोरी
थारे बिना कयां रहस्यां ये गोरी ,कोई सुनी सेजा आव रे सताये बा ने
मेरो मन हुगो पियबा को
कोई सुनी सेजा आव रे सताये बा ने
मेरो मन हुगो पियबा को।



बाढ़ तोड़ पडोशण आयी
बाढ़ तोड़ पडोशण आयी
तो आयी तेरी सोत लड़ाये बा ने
मेरो मन पिहर जाये बा ने
तो आयी तेरी सोत लड़ाये बा ने
मेरो मन पिहर जायेबा ने।

Leave a comment