Toran aaya rayivar har har kapya,तोरण आया राइबर हर-हर काप्या राज,holi geet,shadi geet

तोरण आया राइबर हर-हर काप्या राज।

ई रसीये री आंख्या देखो नींबू रस री फांक्या ओ राज। ई रसिये रा कान देखो मीठा पत्ती पान ओ राज। तोरण आया राइबर हर-हर काप्या राज।

ई रसीये रो ब्याह मंडयों है से होली रे सावे ओ राज। बिंद बन्यो है गधे चढ्यो है परनीजन ने जावे राज।तोरण ऊपर देख सासूजी ने पिंडयां धूजन लागी ओ राज।तोरण आया राइबर हर-हर काप्या राज।

ई रसीये री होवे खातरी भांगडली तो घुटे ओ राज।दारू पियोडा आया सगोजी टेढ़ा बोलन लागया ओ राज। भात भात रा आया बाराती आड़ा टेढ़ा चाले ओ राज।तोरण आया राइबर हर-हर काप्या राज।

बिंदनी ने देख टेढिया मीठा मीठा मुल्के ओ राज।सुंडी नीचे जींस पहनी ब्लाउज फटिया जावे ओ राज।भांग पियोड़ा आया बलम जी उल्टा बटन खोले राज।तोरण आया राइबर हर-हर काप्या राज।