Dhola mhara holi ko Chang bajyo,ढोला म्हारा होली को चंग बाज्यो रंगीलो फागण आयो रे,holi geet

ढोला म्हारा होली को चंग बाज्यो, रंगीलो फागण आयो रे।

फागण आयो रे म्हारा मनडा में भायो रे,
ढोला म्हारा पिया म्हारा,
ढोला म्हारा होली को चंग बाज्यो, रंगीलो फागण आयो रे।

गौरी म्हारी मत हो घणी उदास, रंगीलो रंग ले आयो ये।
रंग लियायो ये, झाँख पिचकारी ल्यायो ये
गोरी म्हारी, ओ गोरी म्हारी
गौरी म्हारी मत हो घणी उदास, रंगीलो रंग ले आयो ये।

जागी घणी उमंग, छा रही घर-घर ख़ुशी अपार
ढोला म्हारा, घर-घर ख़ुशी अपार
बैर भाव ने छोड़ मनावे होली को त्यौहार
ढोला म्हारा ओ पिया म्हारा
ढोला म्हारा होली को चंग बाज्यो, रंगीलो फागण आयो रे ।

होली का रंग दर्शावे कोई, प्रेम भाव प्रतीक
गोरी म्हारी, प्रेम भाव प्रतीक
जीवन में कई रंग गोरी, होली दे साँची सीख
गोरी म्हारी, ओ गोरी म्हारी
गौरी म्हारी मत हो घणी उदास, रंगीलो रंग ले आयो ये ।