Balam choto so,बालम छोटो सो,holi geet

सात बरस को मेघूड़ो – २
छब्बीसों ढल रही नार, बालम छोटो सो
छोटो तो मोटो गौरी मत ना करो – २
कोई राख मरद री लाज, मोटो होई जासी।

बाजारां में जातां ढोलो हठ पकड्यो – २
म्हाने झुणझुणीयो दिला दे घरनार बालम छोटो सो।छोटो तो मोटो गौरी मत ना करो – २
कोई राख मरद री लाज, मोटो होई जासी।

झुणझुणीयो दिलासी थारा मायर बाप – २
म्हारी काया मत बालो भरतार बालम छोटो सो।छोटो तो मोटो गौरी मत ना करो – २
कोई राख मरद री लाज, मोटो होई जासी।

हलवायां के जातां ढोलो हठ पकड्यो – २
म्हाने लाडुडो दिला दे घरनार बालम छोटो सो।छोटो तो मोटो गौरी मत ना करो – २
कोई राख मरद री लाज, मोटो होई जासी।

लाडूडो दिलासी थारा मायर बाप – २
म्हाने लाजां मत मारो भरतार बालम छोटो सो।छोटो तो मोटो गौरी मत ना करो – २
कोई राख मरद री लाज, मोटो होई जासी।

खातीडे के जाते जातां ढोलो हठ पकड्यो – २
म्हाने गाडुलो दिला दे घरनार बालम छोटो सो।छोटो तो मोटो गौरी मत ना करो – २
कोई राख मरद री लाज, मोटो होई जासी।

गाडूलो दिलासी थारा मायर बाप – २
म्हारी छाती मत बालो भरतार बालम छोटो सो।छोटो तो मोटो गौरी मत ना करो – २
कोई राख मरद री लाज, मोटो होई जासी।

महलां में जातां ढोलो हठ पकड्यो – २
म्हाने गोद’या में उठा ले घरनार बालम छोटो सो।छोटो तो मोटो गौरी मत ना करो – २
कोई राख मरद री लाज, मोटो होई जासी।

आछी रे परणाई म्हारा मायर बाप – २
म्हारो जोबन ऐड़ो जाय बालम छोटो सो।छोटो तो मोटो गौरी मत ना करो – २
कोई राख मरद री लाज, मोटो होई जासी।