Char Dina ro athe pawna aakhir pacho jawela,चार दिना रो अठे पामणो २ आखिर पाछो जावेला

चार दिना रो अठे पामणो २ आखिर पाछो जावेला
चेत सके तो चेत बावला अन्त समय पछतावेला।

बाल पणा में दडि़या रमतो घणा ओलिम्बा लावे है,
आई जवानी सेजा प्यारी दुनिया ने बिसरावे हैं
आयो बुढापो हाथ में २ अणगिण गोता खावेला
चेत सके तो चेत बावला अन्त समय पछतावेला।

पाप री करे है कमाई सगला हिलमिल खावे है
स्वार्थ सुं सब लारे चाले गरज पड्या नट जावे है
जम रा दूत पकड़ ले जावे २ अणगिण सोटा खावेला,
चेत सके तो चेत बावला अन्त समय पछतावेला।

गहरी नदियां नाव पुरानी जिवडो़ गोता खावे है
राम नाम री बैठ नाव में पापी भी तर जावे है
जा मनडा़ सत् गुरू रे चरणे २ भव सागर तर जावेला
चेत सके तो चेत बावला अन्त समय पछतावेला

चार दिना रो अठे पामणो २ आखिर पाछो जावेला
चेत सके तो चेत बावला अन्त समय पछतावेला।