पिया जी से मिलबा चालो ये सजलो सिंगारो।सजलो सिंगारो थारो होवेलो निस्तारो।पिया जी से मिलबा चालो ये सजलो सिंगारो।रमैया से मिलबा चालो ये सजलो सिंगारो।
गुरु शबदा को साबुन ले लो,कचरो परे निवारो ये। राम नाम की चिट लगा लो सत्संग सुरमो सारो रे।
पिया जी से मिलबा चालो ये सजलो सिंगारो।सजलो सिंगारो थारो होवेलो निस्तारो।पिया जी से मिलबा चालो ये सजलो सिंगारो।रमैया से मिलबा चालो ये सजलो सिंगारो।
अमर चुनडी ओढ़ सुहागन प्रेम की पटडी पारो ये।गुरु गम गोटो कोर लगाओ,ज्ञान घुंघटो सारों ये।
पिया जी से मिलबा चालो ये सजलो सिंगारो।सजलो सिंगारो थारो होवेलो निस्तारो।पिया जी से मिलबा चालो ये सजलो सिंगारो।रमैया से मिलबा चालो ये सजलो सिंगारो।
दया धर्म को पहर घागरो, नेम को नाडो तारो ये।करनी की गांठ जुगत से दिजो नही तो लोग हंसेलो सारों ये।
पिया जी से मिलबा चालो ये सजलो सिंगारो।सजलो सिंगारो थारो होवेलो निस्तारो।पिया जी से मिलबा चालो ये सजलो सिंगारो।रमैया से मिलबा चालो ये सजलो सिंगारो।
और पिया म्हारे दाय ना आवे,अजर अमर पिया म्हारो ये। कुन पिया से म्हारी लग रही डोरी,बालक में नहीं जानूं ये।
पिया जी से मिलबा चालो ये सजलो सिंगारो।सजलो सिंगारो थारो होवेलो निस्तारो।पिया जी से मिलबा चालो ये सजलो सिंगारो।रमैया से मिलबा चालो ये सजलो सिंगारो।
Naye Naye Bhajan Lyrics 