Gangor geet ishar aayo ye mhari gaya ror gulab,ईसर आयो ए म्हारी गायां रोर गुलाब

ईसर आयो ए म्हारी गायां रोर गुलाब।
बो तो चाल्यो ए म्हारी धोली गाय गुमाय।

म्हें तो राखी ए म्हारा बाबाजीरी काण।
नातर देता ओ घमड़ घेसलां री चार।राये जादा ओ ईसर लीलड़ी पलान।
साये जादा ओ ईसर लीलड़ी पलान।

ईसर आयो ए म्हारी भैस्यां रोर गुलाब।
बो तो चाल्यो ए म्हारी भूरी भैंस गुमाय।राये जादा ओ ईसर लीलड़ी पलान।
साये जादा ओ ईसर लीलड़ी पलान।

म्हे तो राखी ए म्हारा ताऊजी री काण। नातर देता ओ घमड़ घेसलां री चार।राये जादा ओ ईसर लीलड़ी पलान।
साये जादा ओ ईसर लीलड़ी पलान।

ईसर आयो ए म्हारी ऊँटा रोर गुलाब।
बो तो चाल्यो ए म्हारी गैंली ऊँट गुमाय।

म्हें तो राखी ए म्हारा बापूजी री काण।नातर देता ओ घमड़ घेसलां री चार।राये जादा ओ ईसर लीलड़ी पलान।
साये जादा ओ ईसर लीलड़ी पलान।

ईसर आयो ए म्हारी बकऱ्या रोर गुलाब।
बो तो चाल्यो ए म्हारी भूरी बकरी गुमाय।

म्हें तो राखी ए म्हारा बीराजीरी काण। नातर देता ओ घमड़ घेसलां री चार।राये जादा ओ ईसर लीलड़ी पलान।
साये जादा ओ ईसर लीलड़ी पलान।