O baba bij ujali aap padhariya in dhora dharti re maay,ओ बाबा बीज ऊजाली,आप पधारीया,इन धोरां धरती रे माय,Ramdev ji bhajan

ओ बाबा बीज ऊजाली,
आप पधारीया,
इन धोरां धरती रे माय,
ओ बाबा पिता अजमलजी,
लाड लडावे माँ मैणादे,
आंगन माय ए हा।।

ओ बाबा बालपना में,
परचा दीना गाँव गाँव,
दर्शन ने आय,
ओ बाबा लीला थारी,
अजब निराली,
इन धोरां कलयुग रे,
माय ए हा।।

ओ बाबा लीले घोडे,
हुई असवारी आप,
उडो आकाशों माय,
ए जद भगत पुकारे,
आप पधारीया रामापीर,
दर्शन देवो आय ए हा।।

ओ बाबा दास भगत
महिमा सुनावे,
राखो म्हाने चरनो रे माय,
ओ बाबा भजन बनायो,
भूल चूक री करता विनती,
चरनो रे माय ए हा।।

बाबा गाँव रूनीचे,
भला बिराज्या आप,
धणी जुगडा रे माय,
ओ म्हाने दर्शन देवो,
टाबर आयो आज धाम,
चरना रे माय ए हा।।

ओ बाबा बीज ऊजाली,
आप पधारीया,
इन धोरां धरती रे माय,
ओ बाबा पिता अजमलजी,
लाड लडावे माँ मैणादे,
आंगन माय ए हा।।