Thasu vinti Kara ha barambar suno ji sarkar khatu ka raja mehar karo,थासूं विनती करा हाँ बारम्बार,सुणो जी सरकार,खाटू का राजा मैहर करो,shyam bhajan

थासूं विनती करा हाँ बारम्बार,
सुणो जी सरकार,
खाटू का राजा मैहर करो,
मैहर करो जी, अबकी बेर करो,
मत ना देर करो,
थासूं विनती करा हाँ बारम्बार,
सुणो जी सरकार,
खाटू का राजा मैहर करो,

था बिन नाथ अनाथ की जी,
कुण राखेलो टेक,
म्हासां थाके मौकळा जी,
थासां तो म्हारें थे ही एक,
खाटू का राजा मैहर करो,
थासूं विनती करा हाँ बारम्बार,
सुणो जी सरकार,
खाटू का राजा मैहर करो,

जाणू हूँ दरबार में थारें,
घणी लगी है भीड़,
थारें बिन किस बिध मिटेगी,
भोले भगत की या पीर,
खाटू का राजा मैहर करो,
थासूं विनती करा हाँ बारम्बार,
सुणो जी सरकार,
खाटू का राजा मैहर करो,

ज्यूँ ज्यूँ बीते टेम हिये को,
छुट्यो ज्यावै धीर,
उझल्यो आवे काळजो जी,
नैणा सूं टपटप टपके नीर,
खाटू का राजा मैहर करो,
थासूं विनती करा हाँ बारम्बार,
सुणो जी सरकार,
खाटू का राजा मैहर करो,

साथी म्हारें जीव का थे,
थासे छानी ना,
जान बूझ के मत तरसाओं,
जान बूझ के मत तरसाओ,
हिवड़े से लेवो लिपटाय,
खाटू का राजा मैहर करो,
थासूं विनती करा हाँ बारम्बार,
सुणो जी सरकार,
खाटू का राजा मैहर करो,

द्रुपद सुता की लज्जा राखी
गज को काट्यो फंद,
सुणकर टेर देर मत कीजौ,
सुणकर टेर देर मत कीजौ,
श्याम बिहारी बृजचंद,
खाटू का राजा मैहर करो,
थासूं विनती करा हाँ बारम्बार,
सुणो जी सरकार,
खाटू का राजा मैहर करो,