Choriya Mari gaw bajao gadh ki gujariya,छोरिया मारी गांव बजाओ,गढ़ की गुजरिया,krishna bhajan

छोरिया मारी गांव बजाओ,
गढ़ की गुजरिया,
मारा नारायण का गांव मंगला चार,
नारायण झूले पालणे ।

छोरिया मारी जावो,
कुमारिया ने हेला पाड़ज्यो,
मारा देवधनी के कलस पुराय,
नारायण आया पावणा,
परमेश्वर आया पावणा ।
छोरिया मारी गांव बजाओ..

छोरिया मारी जावो,
मालिडा ने हेला पाड़ज्यो,
मारा नारायण के हार बनाय,
नारायण झूले पालणे ।
छोरिया मारी गांव बजाओ..

छोरिया मारी जावो,
जोशीड़ा ने हेला पाड़ज्यो,
मारा देवधनी का नाम कड़ाय,
नारायण झूले पालणे ।
छोरिया मारी गांव बजाओ..

छोरिया मारी जावो,
सहेलिया हेला पाड़ज्यो,
मारा नारायण का गावा मंगला चार,
नारायण खेले चौक में ।
नारायण आया पावणा,
परमेश्वर आया पावणा ।
छोरिया मारी गांव बजाओ..

छोरिया मारी जावो,
ढोलिडा ने हेला पाड़ज्यो,
घड़कोटा में नाच नचाय,
नारायण झूले पालणे ।
छोरिया मारी गांव बजाओ..

छोरिया मारी जावो,
सोनिडा ने हेला पाड़ज्यो,
मारा देवधनी के छतर बनाय,
नारायण खेले चौक में ।
छोरिया मारी गांव बजाओ..

नारायण गाया बजाया,
ने होरा राखज्यो,
थारा चरणा माई गावा मंगला चार,
नारायण खेले चौक में ।
छोरिया मारी गांव बजाओ..

छोरिया मारी गांव बजाओ,
गढ़ की गुजरिया,
मारा नारायण का गांव मंगला चार,
नारायण झूले पालणे ।