Sawariya seth de de,सांवरिया सेठ दे दे,shyam bhajan

सांवरिया सेठ दे दे,
मंडफिया रा मालिक दे दे।
थारे भरियो छे भंडार,
टोटो ना पड़े रे ।

कटे तो जायो ने, कटे उपनियो रे,
कुणे तो लड़ाया थारा लाड,
मंने साची बात बता दे,
राधा का रसिया के दे ।
थारे भरियो छे भंडार,
टोटो ना पड़े रे ।
सांवरिया सेठ दे दे..

मथुरा जायो ने,
गोकुल उपनियो रे,
यशोदा लड़ाया थारा लाड,
नंद जी री गोदिया खेलो ।
थारे भरियो छे भंडार,
टोटो ना पड़े रे ।
सांवरिया सेठ दे दे..

मारे खावा ने कोनी,
ऑलडी रे सांवरिया,
आप तो अरोगो छप्पन भोग रे,
मने एक नीवालो दे दे ।
थारे भरियो छे भंडार,
टोटो ना पड़े रे ।
सांवरिया सेठ दे दे..

मारे रे रेवा कोनी,
झोपड़ी रे सांवरिया,
आप तो बिराजो मेला माय,
मांने एक ओवरों दे दे ।
थारे भरियो छे भंडार,
टोटो ना पड़े रे ।
सांवरिया सेठ दे दे..

कशा तो सेठाने जावा,
झाझवा रे सांवरिया,
आप रे भरया छे भंडार,
मने एक रुपयों दे दे ।
थारे भरियो छे भंडार,
टोटो ना पड़े रे ।
सांवरिया सेठ दे दे..