तर्ज,सावन सुरंगों जोर को जी कोई
चम चम चमके चुनरी जी कोई, थारी सती मां। कोई थारी सती मां, नजरा उतारा जी। वारी जावा दादी जी।
पोत मंगायो बीकानेर से, जी कोई रंगवायो जयपुर,ओ कोई रंगवायो चितपुर।🌹🌹🌹 सांचौ है गोटो ए,वारी जावा दादी जी।
रुनझुन बाजे घूघरा जी कोई, गोटो चारों मेंर। ओ कोई गोटो घेर घुमेर। मोर कढ़ाया जी,वारी जावा दादी जी।
लंपी लगाई सोहनी जी कोई, तारा भरियो जाल। ओ कोई मोतिया भरियो जाल।🌹🌹 रूप सवायो ये,वारी जावा दादी जी।
म्हाने भी दीजयो मावडी, कोई चुनरी जोगो भाग ।ओ कोई चूड़ा जोगो भाग।🌹🌹🌹 म्हारे मन भाई जी,वारी जावा दादी जी।
Naye Naye Bhajan Lyrics 
