घणी दूर से भाग रहयो,थारी गाडूली के लार। गाड़ी में बैठा ले रे बाबा, जानो छ नगर अंजार।
नरसी बोलो म्हारे सागे के करसी। ओढ़न कपड़ा नाय बैठ सिया मरसी।🌹🌹🌹🌹 बूढ़ा बेल टूटयोडी गाड़ी पैदल जावे हार। गाड़ी में…
ध्यानदास जी कहे तुमड़ो फोड़ेगो।ज्ञानदास जी कहे गाड़ली तोड़ेगो।🌹🌹🌹🌹🌹🌹🌹 घणी भीड़ में टूटे म्हारो इकतारा रो तार।गाड़ी में……
नानी बाई को भात देखवा चालूंगो, पुर् पाउलो थाली में भी घालूंगो।🌹🌹🌹🌹🌹🌹🌹 चार पांच दिन चोखी चोखी जीमूं जिमानबार।गाड़ी में….
झोले माही दिखा फांवड़ा और पाती।किशनो मेरो नाम जात मेरी खाती।🌹🌹🌹🌹🌹चिंता की कोई बात नही है,गाड़ी देऊ सुधार।गाड़ी में….
भोला सा भगता के भाव जद जाग्यायो।के बिगड़े है बैठ लेर जद भाग्यायो।🌹🌹🌹🌹किशनों खाती करवा लागयो, मोड़ा की मनुहार।गाड़ी में…
जुए ऊपर बैठ हांकस्युं में नारा।थे करलयो आराम दाब्स्यूं पग थारा।🌹🌹🌹🌹🌹🌹घड़ी चार में भगता थाने घालू नगर अंजार।गाड़ी में….
टूटयोडी गाड़ी भी आज विमान बनी।नरसी गावे भजन सुने खुद श्याम धनी।🌹🌹🌹 सुरा सग्ला पीठ थापड़े जीतो रह मोटयार।गाड़ी में…..
केशव कुंनसा भगत जठ हरि ना आया।मोहन मन मुसकाय पकड़ मोटा पाया।🌹🌹🌹🌹दिन जानके दाता म्हारी नैया करद्यो पार।गाड़ी में…..